Tomas Şaaf: Balayevlə perspektiv üçün müqavilə imzalamışıq

Almaniyanın "Ayntraxt" klubunun baş məşqçisi Tomas Şaaf azərbaycanlı qapıçı Emil Balayevin transferi ilə bağlı fikirlərini açıqlayıb. Azerisport.az xəbər verir ki, Frankfurt təmsilçisinin çalışdırıcısı yerli mətbuata açıqlamasında bunları söyləyib:

"Biz onunla perspektiv üçün müqavilə imzalamışıq. Yəni, hazırda qapıçılarımızla bağlı yaranmış situasiya Emil Balayevi almağımız üçün motivasiya sayıla bilməz".

Qeyd edək ki, "Ayntraxt" Balayevlə 1,5+2 illik müqavilə imzalayıb.