Elnur Məmmədov: Emil Balayevin Ayntraxta transferi Azərbaycan futbolu üçün böyük hadisədir

"Neftçi"nin vitse-prezidenti Elnur Məmmədov Emil Balayevin Almaniyanın "Ayntraxt" klubuna transfer olunmasına münasibət bildirib. Azerisport.az xəbər verir ki, o, bunları söyləyib:

"Bu transfer Azərbaycan futbolu, eləcə də "Neftçi" üçün böyük hadisədir. Yanvar ayına kimi, o, "Neftçi"nin futbolçusudur, qışda isə "Ayntraxt"a yollanacaq. Emil yaxşı qapıçıdır. Amma üzərində daha çox çalışmalıdır. Onun Almaniya Bundesliqasında çıxış etməsi bizim digər futbolçularımıza da yardım edəcək, onların yolunu açacaq".