Qara Qarayev: İnterin futbolçuları ofsayd olmadığını bizə yox, hakimə deməliydilər
"Qarabağ"ın yarımmüdafiəçisi Qara Qarayevin azerisport.az saytına müsahibəsi
- Milan "İnter"i ilə oyun barədə nə deyə bilərsiniz?
- Azarkeşlərimizin gözü qarşısında uduzmaq istəmirdik. Yaxşı ki, sonda uduzmadıq. Oyuna kifayət qədər yaxşı köklənmişdik. Qələbə də qazana bilərdik. İstənilən halda, qrup mərhələsində yaxşı oynadıq.
- Sizinlə Pablo Osvaldo arasında nə mübahisə yaranmışdı?
- Biz təmiz qol vurmuşduq. Yəqin siz də gördünüz. Heç bir ofsayddan söhbət gedə bilməzdi. Top onların oyunçusuna toxunaraq qapıya getmişdi. Hakim isə qolu saymadı. Buna görə də mübahisəmiz düşdü.
- Oyundan sonra "İnter"in futbolçularından hansısa sizə yaxınlaşmışdı...
- Bəli, yaxınlaşıb deyirdi ki, ofsayd yox idi. Amma bunu hakimə demək lazım idi.
- Niyə belə alındı?
- "İnter"ə bu oyunda heç nə lazım deyildi. Amma daha ədalətli nəticə bizim qələbə qazanmağımız olmalıydı. Hakim səhv edə bilər. Bizim işimiz isə oynamaqdır. Təəssüf ki, növbəti mərhələyə adlaya bilmədik.
