Qara Qarayev: Ofsayddan əsər-əlamət də yox idi

Azərbaycan çempionu "Qarabağ"ın futbolçusu Qara Qarayev Avropa Liqasının qrup mərhələsi çərçivəsində İtaliya "İnter"inə qarşı keçirdikləri oyundan sonra fikirlərini açıqlayıb. Azerisport.az xəbər verir ki, o, 0:0 hesabıyla başa çatan qarşılaşmanı belə şərh edib:

"Sonadək mübarizə apardıq. Uğur qazanacağımıza ümidli idik. Sonda qol da vurduq. Amma hesaba alınmadı. Niyəsini bilmirəm. Əgər ofsayd səbəbindən qeydə alınmadısa, orada ofsayddan əsər-əlamət də yox idi. Bəlkə də bu qədər zədəlimiz olmasaydı, hər şey bizim üçün daha uğurlu alınardı".