Tomas Şaaf: Emil Balayevi yenə sınamaq istərdik

Almaniyanın "Ayntraxt" klubunun baş məşqçisi Tomas Şaaf Azərbaycan yığmasının və "Neftçi"nin qapıçısı Emil Balayevlə bağlı fikirlərini açıqlayıb. Azerisport.az xəbər verir ki, o, bunları söyləyib:

"Balayev yaxşı təəssürat formalaşdırıb. O, bu həftə səfərini başa vuracaq. Amma biz ondan sonra yenə bu qapıçını sınamaq istərdik".

"Ayntraxt"ın qapıçılar üzrə məşqçisi Mixael Kraft da Emil barədə fikirlərini bildirib: "Emil böyük istedada malikdi. Biz onun məsələsini ən qısa zamanda həll etməyi düşünürük".

Almaniya mətbuatı isə Balayevin "Ayntraxt"da qalmasının daha çox Timo Hildebrandın qışda klubu tərk edib-etməməsindən asılı olduğunu qeyd edib.