Böyükağa Hacıyev: Mənə Qəbələdən təklif olsa, düşünərəm
"Neftçi"nin sabiq baş məşqçisi Böyükağa Hacıyev "Qəbələ"nin çalışdırıcısı Dorinel Muntyanunun istefası barədə danışıb. O, azerisport.az saytına müsahibəsində rumın məşqçinin gedişinin gecikmiş qərar olduğunu söyləyib:
"Muntyanunun təyinatı özünü doğrultmadı. Nəticə yoxdursa, nədən danışmaq olar? O cür şərait olan yerdə komanda adınalayiq oyun sərgiləmədi. Komandanı pis vəziyyətdə qoyub getdi. İstefa verməkdə bir qədər gecikmişdi. Belə məğlubiyyətlərdən sonra işləyə bilməyəcəyinə əmin oldu".
Hacıyev ona "Qəbələ"dən təklif gələcəyi halda düşünəcəyini bildirib: "Etiraf edim ki, gələcəkdə yerli məşqçimizin Qəbələdə işləməsini istərdim. Öz məşqçilərimizə şərait yaratmaq lazımdır. Özümə gəldikdə, əgər rəsmi təklif yoxdursa, bu barədə danışmaq düzgün deyil. Təklif olsa, düşünərəm".
