Cavadov 10, Budak 90 dəqiqə oynadı

Futbol üzrə Türkiyə PTT 1-ci Liqasında 12-ci turun oyunları keçirilib. Azerisport.az xəbər verir ki, Azərbaycan yığmasının üzvləri - Ufuk Budak, Vaqif Cavadov və Rəhman Hacıyevin çıxış etdiyi "Qaziantep BB" klubu da növbəti matçına çıxıb.

Sözügedən komanda doğma meydanda "Adana Dəmirspor"la qarşılaşıb. Oyun 1:0 hesabıyla futbolçularımızın klubunun xeyrinə başa çatıb.

Ufuk start heyətdə meydana çıxdığı görüşün sonunadək meydanda qalıb. Vaqif isə 80-ci dəqiqədə meydana buraxılıb. Rəhman matçın iştirak ərizəsinə düşməyib.

Qeyd edək ki, "Qaziantep BB" 14 xalla 11-ci yerdə gedir.