Qəbələ Antalyada 16 günlük təlim-məşq toplanışı planlaşdırır

"Qəbələ" qış fasiləsi dönəmində təlim-məşq toplanışını harada keçirəcəyini müəyyənləşdirib. Azerisport.az xəbər verir ki, sözügedən komanda Türkiyəyə getməyi planlaşdırır.

Bölgə təmsilçisi Antalyaya yanvarın 5-də yola düşəcək. Dorinel Muntyanunun komandası qardaş ölkədə 16 gün hazırlıq keçəcək və ayın 21-də Bakıya dönəcək.

"Qəbələ" Türkiyədə bir neçə yoxlama oyunu keçirəcək. Amma rəqiblərin kimliyinə hələ aydınlıq gətirilməyib.