İnterin Qarabağla oyun üçün start heyəti müəyyənləşdi

İtaliyanın "İnter" klubunun baş məşqçisi Robert Mançini Bakıya eksperimental heyətlə gələcək. Azerisport.az xəbər verir ki, dekabrın 11-də Avropa Liqasının qrup mərhələsində Azərbaycan çempionu "Qarabağ"ın qonağı olacaq Milan təmsilçisinin start heyəti də təxminən bəllidi.

İtaliyalı həmkarlarımızın fikrincə, qapını Pablo Karriso qoruyacaq. Hansı ki, "Qarabağ"la Milandakı oyunda da çərçivə məhz bu qapıçıya tapşırılmışdı.

Müdafiə xətti Danilo D`Ambrozioya, Marko Andreolliyə, seneqallı İbrahim Mbayeyə və serbiyalı Nemanya Vidiçə tapşırılacaq.

Yarımmüdafiədə Joel Obi, fransalı Yann Mvila, qvineyalı Qaston Kamara və Qari Medel oynayacaq.

Hücum xəttind isə Federiko Bonatsoli ilə George Puşkaşın oynaması gözlənilir.

"İnter"in əsas heyətinin üzvləri isə A Seriyasının növbəti turu çərçivəsindəki "Kyevo" ilə oyuna hazırlaşacaq.