Prosineçki yerli məşqçilər arasında seçim edir

Futbol üzrə Azərbaycan yığmasının yeni baş məşqçisi Robert Prosineçki özü üçün köməkçilər seçməyə başlayıb. Azerisport.az xəbər verir ki, xorvatiyalı mütəxəssis bu gün AFFA-nın mənzil qərargahında bir neçə məşqçi ilə görüşüb.

Onlardan biri də qapıçılar üzrə məşqçi Faiq Əzizov olub. Bunu saytımıza açıqlamasında məşqçi özü də təsdiqləyib:

"Mən öz CV-mi təqdim etdim. Onun çox vaxtı yox idi. Təxminən 5 dəqiqə söhbət etdik. Yenidən Azərbaycan yığmasında çalışmaq istərdim. Robert Prosineçkidən dəvət gözləyəcəyəm".