Millimiz Özbəkistana da qalib gəldi
Özbəkistanın paytaxtı Daşkənddə təşkil olunan futzal üzrə beynəlxalq turnir davam edir. Azerisport.az xəbər verir ki, Azərbaycan yığması bu gün turnir çərçivəsində üçüncü oyununa çıxıb.
Meydan sahibi Özbəkistanla üz-üzə gələn futzalçılarımız inamlı qələbəyə seviniblər. Bu qələbə Azərbaycan yığmasının turniri ikinci pillədə başa vurmasına şərait yaradıb.
Özbəkistan - Azərbaycan – 3:6 (3:2)
Borisov, 4 (0:1), 35 (3:5), Amadeu, 8 (0:2), Əbdürrəhmanov, 12 (1:2), Anorov, 17 (2:2), Sviridov, 17 (3:2), Bağırov, 23 (3:3), Eduardo, 24 (3:4), Fineo, 38 (3:6).
Azərbaycan: Buranello, Hüseynli, Fərzəliyev (k), Fərəczadə, Məmmədkərimov, Borisov, Həmzəyev, Çovdarov, Eduardo, Amadeu, Fineo, Bağırov, Atayev.
Qeyd edək ki, Azərbaycan millisi ilk oyununda Qazaxıstana uduzmuş (1:4), ardından Belarusa qalib gəlmişdi (2:1).
Turnir cədvəli: Qazaxıstan - 7 xal, Azərbaycan - 6, Özbəkistan - 2, Belarus - 1.
