Əmrah Çəlikəldən Qurban Qurbanova dəstək
"Qarabağ"ın direktoru Əmrah Çəlikəl baş məşqçi Qurban Qurbanovun futbolçuların mətbuata müsahibə verməsinə qadağa qoymasına münasibət bildirib. Azerisport.az saytına açıqlamasında o, bunları söyləyib:
"Baş məşqçi Qurban Qurbanov hər oyundan əvvəl komanda üçün ən yaxşısını etməyə çalışır. Biz indi hamımız ona dəstək olmalıyıq. "Qarabağ" Azərbaycan futbolunda ən böyük uğura imza ata bilər. Bunu dərk etmək vacibdir. Birgə son oyuna hazırlaşmalıyıq. Hər kəs üzərinə düşən işi görməlidir. "İnter"lə matçda azarkeşlərin böyük dəstəyinə ehtiyacımız var. Avrokubok matçlarında fanatlar "Qarabağ"a çox böyük kömək edib. İndi bizə daha böyük dəstək lazımdır. Son oyunun əhəmiyyəti çox böyükdür. Güclü motivasiya və hazırlıq olarsa, istəyimizə çata bilərik. Baş məşqçimizə və komandaya inanırıq".
