Karlos Kardoso: Sonadək Qarabağla mübarizə aparacağıq

"Neftçi"nin müdafiəçisi Karlos Kardosonun azerisport.az saytına müsahibəsi

- "Xəzər Lənkəran"la oyun haqda nə deyə bilərsiz?
- Yaxşı oyun göstərdik. Amma hakim hər şeyi korladı. Futbolda oyunu hakim yox, futbolçular korlaya bilər. Amma bu oyunda həmin funksiyanı tamamilə hakimlər həyata keçirdilər. Bizim onlara kömək etməyimizə ehtiyac qalmadı.

- Hakimlərə görə xal itirdiyinizi dşünürsüz?
- Deməzdim ki, xal itirməyimizdə yalnız hakimlər günahkardı. Amma onun qərarları nəticəyə təsirini göstərdi. Hər şey başqa cür də başa çata bilərdi.

- Sarı vərəqə alandan sonra meydanı tərk etmək istəyirdiz. Niyə?
- Mən özümdə deyildim. Hərdən oyunda özünə nəzarəti itirirsən. Məşqçilər korpusu məni zamanında sakitləşdirdi.

- "Neftçi" ilk qırmızı vərəqədən sonra oyununu itirdi...
- Razı deyiləm. Oyunu belə hala salan hakim oldu. Oyunçuların bu oyun haqda danışası sözü olmamalıdı. Bunu "Xəzər Lənkəran"ın da oyunçularına aid etmək olar.

- Nəzərə alsaq ki, ikinci qolu son saniyələrdə vurduz, heç-heçədən razısız?
- Mən Allaha inanıram və düşünürəm ki, ədalət öz yerini tapdı. Bu, mənim Azərbaycanda ikinci mövsümümdü. Əminliklə deyərdim ki, bu nəticə ən vacib heç-heçələrimizdən biridi.

- Zədəniz nə dərəcədə ciddidi?
- Ayağım ağrıyır. Ümid edirəm ki, ciddi bir şey yoxdu.

- Komandanız son iki turda xallar itirir. Bu, sizin çempionluq yolundakı işinizi çətinə salmır?
- Əlbəttə, yox. Biz sonadək "Qarabağ"la mübarizə aparacağıq. "Neftçi" dayanmayacaq.