Sadio Tounkara 100-cü oyunun astanasında
"Xəzər Lənkəran"ın heyətində növbəti oyun Sadio Tounkara üçün yubiley 100-cü oyun olacaq. Azerisport.az xəbər verir ki, komandanın malili yarımmüdafiəçisi karyerasında 100-cü dəfə “ağ-yaşıllar”ın heyətində rəsmi matça çıxacaq.
2012-ci ilin əvvəlində transfer olunan afrikalı 2011/12 mövsümündün AZAL-la görüşündə ilk dəfə bu komandanın formasını geyib. 2012-ci il fevralın 16-dakı qarşılaşmanın 68-ci dəqiqəsində meydana daxil olan afrikalı 3 ilə yaxın müddətdə 81 çempionat, 10 kubok, 7 Avroliqa, 1 Superkubok görüşünün iştirakçısı olub.
Çempionatda çıxışını dayandıran “Araz-Naxçıvan”la oyunun nəticəsi ləğv olunduğundan Sadionun yubileyi “Neftçi” ilə “Böyük oyun”a təsadüf edəcək. Əgər Naxçıvan təmsilçisi mübarizəni davam etdirmiş olsaydı, afrikalı artıq “İnter”lə 12-ci turun matçında 100-ə çatacaqdı.
Mövsüm | Turnir | Oyun | Dəqiqə | Qol | Sarı | Qırmızı |
2011/12 | çempionat | 11 | 629 | 1 | 0 | 0 |
2011/12 | Kubok | 1 | 27 | 0 | 0 | 0 |
2012/13 | Avropa Liqası | 4 | 309 | 0 | 2 | 0 |
2012/13 | çempionat | 28 | 2006 | 5 | 5 | 0 |
2012/13 | Kubok | 4 | 304 | 0 | 1 | 0 |
2013/14 | Avropa Liqası | 3 | 270 | 0 | 0 | 0 |
2013/14 | çempionat | 35 | 2253 | 5 | 3 | 0 |
2013/14 | Superkubok | 1 | 64 | 0 | 0 | 1 |
2013/14 | Kubok | 5 | 378 | 2 | 0 | 0 |
2014/15 | çempionat | 7 | 516 | 1 | 1 | 0 |
| Cəmi | 99 | 6756 | 14 | 12 | 1 |
Sadio “Xəzər Lənkəran”ın tarixində 100 oyun səddinə çatan 9-cu futbolçu olacaq. Onadək bunu 8 oyunçumuz bacarıb. Radomir Todorov və Adrian Skarlatakedən sonra 100-ü fəth edən 3-cü legioner kimi tarixə düşəcək Tounkara klubda bunu bacaran ilk afrikalı olacaq.
Yer | Futbolçu | Oyun |
1 | Rahid Əmirquliyev | 280 |
2 | Radomir Todorov | 183 |
3 | Alim Qurbanov | 177 |
4 | Kamran Ağayev | 161 |
5 | Rəşad Abdullayev | 155 |
6 | Elnur Abdullayev | 126 |
7 | Adrian Skarlatake | 101 |
8 | Elnur Allahverdiyev | 100 |
