Simurqdan ilk, antirekord toxunulmaz qaldı
Topaz Premyer Liqasının 12-ci turu Zaqatalanın “Simurq” klubu üçün tarixi əhəmiyyət kəsb edib. Azerisport.az xəbər verir ki, əyalət təmsilçisi tarixində ilk dəfə “Neftçi” ilə ev oyununda qalib gəlib.
“Simurq” ölkə çempionatları tarixində 11-ci cəhddə “ağ-qaralar”ı məğlub yola salıb. Bunadək səfərdə 6 qələbə qazanıb, 4 heç-heçə edən “Neftçi” 0:1 hesabı ilə uduzub.
03.05.2007. Simurq (Zaqatala) - Neftçi (Bakı) - 0:1
19.04.2008. Simurq (Zaqatala) - Neftçi (Bakı) - 0:0
08.03.2009. Simurq (Zaqatala) - Neftçi (Bakı) - 0:2
26.12.2009. Simurq (Zaqatala) - Neftçi (Bakı) - 0:0
19.02.2011. Simurq (Zaqatala) - Neftçi (Bakı) - 0:3
30.09.2011. Simurq (Zaqatala) - Neftçi (Bakı) - 1:2
17.02.2013. Simurq (Zaqatala) - Neftçi (Bakı) - 0:2
13.04.2013. Simurq (Zaqatala) - Neftçi (Bakı) - 0:1
27.10.2013. Simurq (Zaqatala) - Neftçi (Bakı) - 0:0
17.05.2014. Simurq (Zaqatala) - Neftçi (Bakı) - 0:0
20.11.2014. Simurq (Zaqatala) - Neftçi (Bakı) - 1:0
Bununla da “Neftçi” eyni rəqiblə səfər oyunlarındakı məğlubiyyətsizlik seriyasında rekordu təkrarlaya bilməyib. “Simurq”un ev antirekorduna cəmi 1 görüş qalmış seriya qırılıb.
Azərbaycan çempionatlarının rekordu isə “Kəpəz”ə məxsudur. MOİK Gəncə təmsilçisi ilə ardıcıl 11 oyunda qələbə qazana bilməyib. Hazırda aşağı dəstədə çıxış edən klubların Premyer Liqa çərçivəsində Bakıda baş tutan 11 matçında qonaqlar 7 qələbə qazanıb, 4 dəfə heç-heçə qeydə alınıb. “Neftçi” bu dəfə də səfərdən xalla dönsəydi, “Kəpəz”in rekordunu təkrarlayacaqdı. “Simurq” isə MOİK-in antirekorduna şərik çıxacaqdı.
26.11.1995. OİK (Bakı) - Kəpəz (Gəncə) - 0:4
16.11.1996. OİK (Bakı) - Kəpəz (Gəncə) - 0:1
18.10.1997. OİK (Bakı) - Kəpəz (Gəncə) - 1:1
27.02.1999. OİK (Bakı) - Kəpəz (Gəncə) - 0:0
22.04.2000. OİK (Bakı) - Kəpəz (Gəncə) - 1:2
23.09.2001. MOİK (Bakı) - Kəpəz (Gəncə) - 1:1
02.08.2003. MOİK (Bakı) - Kəpəz (Gəncə) - 0:1
20.11.2004. MOİK (Bakı) - Gəncə - 0:0
18.12.2005. MOİK (Bakı) - Gəncə - 0:3
02.10.2010. MOİK (Bakı) - Gəncə - 0:5
17.04.2011. MOİK (Bakı) - Gəncə - 0:2
