Azərbaycan Sloveniyaya qalib gəlib, elit mərhələyə yüksəldi
19 yaşadək futbolçular arasında Avropa çempionatının seçmə mərhələsinin 4-cü qrupunda sonuncu - 3-cü turun oyunları keçirilib. Azerisportt.az xəbər verir ki, Azərbaycan yığması da son oyununa çıxıb.
Macarıstanda keçirilən qrupun son oyununda millimiz Sloveniyanı sınağa çəkib. Oyunda hesabı penalti sayəsində yığmamız açıb. 35-ci dəqiqədə komandamız fərqi artırıb. Bundan 7 dəqiqə sonra futbolçularımız üstünlüyü 3 topa çatdırıb. İkinci hissədə rəqib fərqi minimuma endirsə də, millimizin qələbəsinə mane ola bilməyib - 3:2.
Qrupun digər oyununda Slovakiya Macarıstanı sınağa çkəib. İlk iki turda qələbə qazanan slovakiyalılar son matçı da 3 xalla başa vurub - 3:0. Bu nəticələrdən sonra ilk iki pillənin sahibləri - Slovakiya və Azərbaycan elit mərhələyə vəsiqə qazanıb.
Qeyd edək ki, bir neçə gün əvvəl 17 yaşadək futbolçulardan ibarət millimiz də Avropa çempionatının elit mərhələsinə vəsiqə qazanmışdı.
AÇ-2015-in seçmə mərhələsi
4-cü qrup
15 noyabr
Azərbaycan - Sloveniya 3:2
Qollar: Vadim Ağarahimov, 23-pen. Elnur Suleymanov, 35. Mahir Mədətov, 42 - Alen Ozbolt, 48; 77-pen.
Sarı vərəqələr: Elnur Cəfərov, 76 - Marko Kriviciç, 62.
Hakimlər: Eli Hakmon, David Morhaim (İsrail), Peter Kobor, Adam Farkaş (Macarıstan).
Tatabanya. "Qrosiçs Qyula" stadionu.
Azərbaycan: 1. Tolqa Şahin, 2. İlyas Səfərzadə (15. Renat Ağaverdiyev, 46//6. Budaq Nasirov, 58), 4. Bəhlul Mustafazadə, 7. Mahir Mədətov, 9. Fəhmin Muradbəyli, 10. Mansur Nahavandi (k), 14. Yusif Nəbiyev, 16. Emin Zamanov, 18. Təyyar Məmmədov (17. Elnur Cəfərov, 64), 19. Elnur Suleymanov, 23. Vadim Ağarahimov.
Ehtiyat oyunçular: 12. Ağaseyid Qasımov, 13. Benhur Kama, 21. Əfsar Məmmədov.
Baş məşqçi: Nikolay Adam.
Sloveniya: 1. Matiya Radikon, 2. Marko Klemenciç, 4. Nik Lorbek (k), 5. Blaz Polyaneç, 7. Deyan Vokiç, 8. Alen Ozbolt, 11. Luka Qayiç (10. Marko Kriviciç, 46), 14. Matey Potokar, 16. Zan Nikoliç (3. Qal Primç, 46), 17. Erik Gliha, 18. Matiç Vrbaneç (9. Damir Bartuloviç, 75).
Ehtiyat oyunçular: 12. Martin Yark, 6. Blaz Kramer.
Baş məşqçi: Primoz Gliha.
1. Slovakiya | 3 | 3 | 0 | 0 | 9-2 | 9 |
2. Azərbaycan | 3 | 1 | 1 | 1 | 5:7 | 4 |
3. Macarıstan | 3 | 0 | 2 | 1 | 2:5 | 2 |
4. Sloveniya | 3 | 0 | 1 | 2 | 4:6 | 1 |
