Millimiz seçmə mərhələyə heç-heçə ilə başladı
19 yaşadək futbolçulardan ibarət Azərbaycan yığması Avropa çempionatının ilkin seçmə mərhələsində ilk oyununu keçirib. Azerisport.az xəbər verir ki, millimiz startda qrup oyunlarına ev sahibliyi edən Macarıstanla qarşılaşıb.
Oyunda hesabı 37-ci dəqiqədə macarlar açıb. Millimiz buna 84-cü dəqiqədə cavab verib. Son dəqiqələrdə meydan sahibləri azlıqda qalsa da, millimiz qələbə qolunu vura bilməyib və oyun 1:1 hesabı ilə başa çatıb.
Qrupun digər oyununda Slovakiya və Sloveniya qarşılaşıb. Matç slovakların 2:1 hesablı qələbəsi ilə yekunlaşıb.
Millimiz növbəti oyununu noyabrın 12-də Slovakiyaya, 3 gün sonra isə Sloveniyaya qarşı keçirəcək.
AÇ-2015-in seçmə mərhələsi
4-cü qrup
10 oktyabr
Macarsıstan - Azərbaycan 1:1
Qollar: Norbert Baloq, 37 - Budaq Nəsirov, 84.
Dunaujvaroş. "Ezsperanto Ut" stadionu.
Sarı vərəqələr: Bense Qrabant, 34 - İlyas Səfərzadə, 21. Mənsur Nahavəndi, 32. Emin Zamanov, 73. Mahir Mədətov, 90+1.
Qırmızı vərəqə: Donat Zsoter, 90+2.
Hakimlər: Con Beaton, Qrem Styuart (Şotlandiya), David Morhaym, Eli Hakmon (İsrail).
Macarıstan: 1. Aleks İvankis, 2. Kristof Polqar, 3. Bence Lenser, 4. Attila Talaber (k), 5. Adam Naqi, 6. Mate Vida, 7. Bense Qrabant (18. Roland Sallai, 63), 8. Bense Tot (16. Kristofer Takaks, 84), 9. Norbert Baloq, 10. Barnabas Raks (15. Andras Yanko, 79), 11. Donat Zsoter.
Ehtiyat oyunçular: 12. Daniel Horvat, 13. Akos Keskes, 14. David Valençik, 17. Erik Nemet.
Baş məşqçi: İstvan Pisont.
Azərbaycan: 1. Tolqa Şahin, 2. İlyas Səfərzadə, 4. Bəhlul Mustafazadə, 5. Yusup Xakimov, 6. Budaq Nəsirov, 7. Mahir Mədətov (19. Elnur Süleymanov, 90), 9. Fəhmin Muradbəyli, 10. Mənsur Nahavəndi (k) (23. Vadim Ağarəhimov, 46), 15. Renat Ağaverdiyev, 16. Emin Zamanov, 17. Elnur Cəfərov (13. Benhur Kama, 62).
Ehtiyat oyunçular: 12. Ağaseyid Qasımov, 14. Yusif Nəbiyev, 18. Təyyar Məmmədov, 21. Əfsər Məmmədov.
Baş məşqçi: Nikolay Adam.
