Qurban Qurbanov: Belə insanları başa düşə bilmirəm

"Qarabağ"ın baş məşqçisi Qurban Qurbanov Avropa Liqasının qrup mərhələsi çərçivəsində Ukrayna "Dnepr"inə məğlubiyyətə görə onlara ünvanlanan tənqidləri şərh edib. Azerisport.az saytına açıqlamasında o, bunları söyləyib:

"Oyundan sonra bir çox fikirlərlə tanış olmuşam. Onların bəzisi tənqidi xarakter daşıyırdı. Bəzisi ilə razıyam, bəzisi ilə yox. Bəzən komandanı heç nəyə görə tənqid edirlər. Sən necə tənqid edə bilərsən ki, taktikadan, məşqçinin futbolçulara tapşırığından xəbərin yoxdu? Belə insanları başa düşə bilmirəm".