İnter yenə xal itirdi

Futbol üzrə İtaliya çempionatında 11-ci turun oyunları keçirilib. Azerisport.az xəbər verir ki, Avropa Liqasının qrup mərhələsində Azərbaycan çempionu "Qarabağ"ın rəqibi olan "İnter" də növbəti matçına çıxıb.

Sözügedən komanda doğma meydanda "Verona" ilə qarşılaşıb. Oyun sülhlə bitib - 2:2. 10-cu dəqiqədə məğlub duruma düşən komandanı 18-ci dəqiqədə Mauro İkardi məğlubiyyətdən xilas edib, 49-cu dəqiqədə isə hesabda önə keçirib. 52-ci dəqiqədə qapısına penalti təyin olunan milanlıların bəxti gətirsə də, 89-cu dəqiqədə qonaqlar hesabı bərabərləşdirməyi bacarıblar.

Qeyd edək ki, "Qarabağ"ın rəqibi 11 turdan sonra 16 xalla 9-cu yerdə qərarlaşıb.