Qraçov: Qarabağ məni təəccübləndirdi

Ukraynalı veteran futbolçu və tanınmış mütəfəssis Viktor Qraçov Avropa Liqasının qrup mərhələsi çərçivəsində keçirilən “Dnepr” – “Qarabağ” matçı ilə bağlı fikirlərini açıqlayıb. Azerisport.az xəbər verir ki, o, “ağ-göylər”in Bakıdakı 2:1 hesablı qələbəsini şərh edib.
 
Bundan əlavə, Ukrayna futbolunun canlı əfsanəsi “Qarabağ”ın güclü çıxışı qarşısında təəccübləndiyini bildirib: “Heç nə asan başa gəlmir. “Dnepr” “Qarabağ”a qarşı ağır oyun keçirdi. Kiyevdə bəxt Azərbaycan komandasının tərəfində idi, Bakıda isə ukraynalıların. Açığı, “Qarabağ” məni təəccübləndirdi. Güclü komandadı, yaxşı top saxlayırlar, kəskin ötürmələr verə bilirlər, mövqe seçməyi bacarırlar. Lakin funksional baxımdan "Dnepr"dən geri qalırlar. Ümumilikdə “Dnepr”in səviyyəsi hələ də yüksəkdi”.