Millimiz Norveçlə oyun öncəsi 4 qolla qalib gəldi

AÇ-2016-nın seçmə mərhələsi çərçivəsində keçiriləcək Norveçlə oyuna hazırlaşan Azərbaycan millisi bu gün Bakıdakı hazırlıq prosesi çərçivəsində yoxlama matçına çıxıb. Azerisport.az xəbər verir ki, Mahmud Qurbanovun müvəqqəti baş məşqçi təyin olunduğu komandamızın rəqibi 21 yaşadək futbolçulardan ibarət yığmamız olub.

İsmət Qayıbov adına Bakıxanov qəsəbə stadionunda keçirilən qarşılaşmada 6 qol vurulub. Qələbəni isə daha təcrübəli əsas yığmamız bayram edib.

Yoxlama oyunu
9 noyabr

Azərbaycan - Azərbaycan U-21 4:2 (2:1)
Qollar: M.Şükürov, 24-pen. (1:0). N.Ələsgərov, 29 (1:1). R.Əliyev, 38 (2:1). A.Abdullayev, 51 (3:1). N.Ələsgərov, 60-pen. (3:2). M.Qurbanov, 87 (4:2).
Baş hakim: Ramil Əhmədov.
Bakı. İsmət Qayıbov adına Bakıxanov qəsəbə stadionu.

Azərbaycan: Səlahət Ağayev (Emil Balayev, 26/Kamran Ağayev, 70), Mahir Şükürov (Qara Qarayev, 46), Rəşad Sadıqov (Bədavi Hüseynov, 46), Ruslan Abışov (Rasim Ramaldanov, 46), Elvin Yunuszadə (Tərlan Quliyev, 46), Maksim Medvedev (Məhəmməd Mirzəbəyov, 46), Rahid Əmirquliyev (Mirhüseyn Seyidov, 46), Cavid Hüseynov (Rəhman Hacıyev, 46), Araz Abdullayev, Rauf Əliyev (Rəşad Abdullayev, 46), Vüqar Nadirov (Məhəmməd Qurbanov, 46).
Azərbaycan U-21: Şahruddin Məhəmmədəliyev, Məqsəd İsayev, Elvin Bədəlov, Namiq Ələsgərov, Azad Kərimov, Maksim Demençuk, Azər Salahlı, Vadim Abdullayev, Elvin Camalov, Bayram Budaqov, Nasir Əbiləyev.