Məhəmməd Qurbanov: Milli komandaya dəvət aldığıma görə şadam

"Sumqayıt"ın hücumçusu Məhəmməd Qurbanov Azərbaycan yığmasının AÇ-2016-nın seçmə mərhələsi çərçivəsində Norveçə qarşı keçirəcəyi oyuna dəvət almasından danışıb. Azerisport.az saytına açıqlamasında o, bunları söyləyib:

"Mənə dəvət göndərdiklərinə görə şadam. Amma Norveçlə oyun haqda hələ heç bir söz deyə bilmərəm".

Qurbanov Topaz Premyer Liqasının son turunda "İnter"lə qolsuz heç-heçə etmələrindən də danışıb: "Çox ağır oyun oldu. Bizə üç xal qazanmaq vacib idi. Çünki beş oyun idi məğlub olurduq. Oyun o qədər də baxımlı alınmadı. Amma biz xal qazanmağı bacardıq və bunu yaxşı nəticə saymaq olar".