Araz Naxçıvanın getməsi Neftçinin işinə yarayacaq

"Araz Naxçıvan"ın fəaliyyətini dondurması tam rəsmiləşsə, komandanın Topaz Premyer Liqasındakı çıxışı da yarıda dayandırılacaq və belədə, çempionatın turnir cədvəlində böyük dəyişikliklər baş verəcək. Azerisport.az xəbər verir ki, Naxçıvan təmsilçisinin elitadakı bütün nəticələri ləğv olunacaq.

Bundan qazanan isə "Neftçi" olacaq. Çünki paytaxt təmsilçisi "Qarabağ"ı qabaqlayaraq, liderliyi ələ keçirəcək. Bu klub naxçıvanlılarla bu mövsüm baş tutan qarşılaşmada xal qazanmayan yeganə klubdu. Ən böyük zərbəni isə "Qəbələ" alacaq. Bu komandanın "Araz Naxçıvan"la iki oyuna 6 xalı vardı.

Qeyd edək ki, "Araz Naxçıvan" mövsümün ən azı yarısına kimi meydana çıxmadığına görə ləğv olunacaq nəticələrdən sonra turnir cədvəli aşağıdakı kimi olacaq:

Neftçi - 20 xal (9 oyun)
Qarabağ – 18 (9)
İnter – 15 (10)
Xəzər L – 14 (10)
Qəbələ – 12 (9)
Simurq – 11 (10)
Sumqayıt – 10 (10)
AZAL - 9 (9)
Bakı – 8 (10)