Baçana Sxadadze: Hələ Qarabağın çempionluğundan danışmaq çox tezdi
"İnter"in hücumçusu Baçana Sxadadzenin azerisport.az saytına müsahibəsi
- "Neftçi" ilə oyundakı xal itkisi sizin liderliyi "Qarabağ"a təhvil verməyinizlə nəticələndi. Bununla bağlı nə deyə bilərsiz?
- "Qarabağ" çox güclüdü. Onlar bu güclərini təkcə daxili çempionatda yox, həm də Avropa Liqasında sübut etməkdədilər. Amma hələ onların çempionluğundan danışmaq çox tezdi.
- Qarşıda sizi bu komanda ilə oyun gözləyir...
- Biz hər oyuna qələbə üçün çıxırıq. "Qarabağ"la görüş də istisna deyil.
- Amma "Bakı" üzərindəki darmadağından sonra qələbəyə həsrət qalmısız...
- Heç bir problem yoxdu. Mövsüm uzundu, bizim üçün hər xal vacibdi. Baxmayaraq ki, AZAL və "Simurq"la oyunlarda qələbə qazanmağa borclu idik. "Neftçi" ilə görüşə gəlincə, onlar da çox güclü rəqiblərimizdən biridi. Onlarla səfər heç-heçəsi uğursuzluq hesab edilməməlidi.
- Bəs qələbə qazanmağınıza nə mane oldu?
- Qol vəziyyətlərindən yaxşı yararlana bilməməyimiz.
- Zədəniz nə yerdədi?
- Keçicidi. Son dəqiqələrdə zədələndim. Həkimlərin dediyinə görə, 3-4 həftə istirahət etməliyəm.
