Ramazanov iki həftə sonra qayıdacaq

"Xəzər Lənkəran"ın hücumçusu Ağabala Ramazanov iki həftə sonra məşqlərə başlaya biləcək. Azerisport.az saytına açıqlamasında bunu gənc forvardın özü bəyan edib:

"Ayağımda hələ də ağrılar var. Həkimlərin nəzarəti altındayam. Onların sözlərinə görə iki həftə sonra məşqlərə başlaya biləcəm".

Xatırladaq ki, Ramazanov AÇ-2016-nın seçmə mərhələsi çərçivəsində keçirilmiş Xorvatiya - Azərbaycan matçında zədələnmişdi.