Nurlan Novruzov: Lənkəran məğlubiyyətini tez unutmağımız AZAL-la oyunda özünü göstərdi
"Bakı"nın hücumçusu Nurlan Novruzov Topaz Premyer Liqasının 9-cu turu çərçivəsində AZAL üzərində qazandıqları qələbədən danışıb. Azerisport.az saytına açıqlamasında o, 1:0 hesablı qələbə ilə bağlı bunları söyləyib:
"Bu görüşə çox ciddi hazırlaşmışdıq. "Xəzər Lənkəran"a məğlubiyyəti tez unutmağı bacardıq və bu, bizə yardımçı oldu. AZAL-a qarşı biz bir komanda olaraq mübarizə apardıq. "Bakı" futbolçularının indiki vəziyyətdə belə oyun sərgiləməsi çox yaxşıdı. Çünki belə bir durumda oyuna hazırlaşmaq, meydana çıxmaq çox çətindi. Amma biz istənilən halda öz üzərimizdə məsuliyyət hiss edirik və nəticə qazanmaq üçün əlimizdən gələni ediik. Allah eləsin, növbəti oyunlarımızda da belə uğurlar qazana bilək. Göstərmək istəyirik ki, "Bakı" hətta yüksək yerlər uğrunda da mübarizə apara bilər. Son oyunda vurduğum qola gəlincə, onu komandama, məşqçilər korpusuna, rəhbərliyə və bazamızda çalışanlara həsr edirəm. Bu, hamımızın uğurudu. Onlar da həmişə məni dəstəkləyirlər".
