"Mərhələnin taleyini 1 qol həll edəcəkdi"

Azərbaycan Kubokunun 1/16 final mərhələsində “Lokomotiv”i məğlub edən MOİK növbəti mərhələyə yüksəldi. Azerisport.az xəbər verir ki, MOİK-in baş məşqçisi Namiq Adilov 1:0 hesabıyla qalib gəldikləri oyundan sonra bunları söyləyib:

“Qələbə qazandığımız üçün sevinirik. Bu oyunda qələbə bizim üçün vacib idi. Çempionatda ardıcıl oyunlarda xallar itirdik. Amma kubokda yaxşı çıxış edib, mərhələ adladıq. Bu qələbə bizdə motivasiyanı artıracaq. Oyuna gəldikdə, çətin qarşılaşma oldu. Bu oyunun taleyini 1 qol həll edəcəkdi. Həmin qolu da biz vurduq. Kubokda “Qarabağ”la qarşılaşacağıq. Biz bu oyunda mübarizə aparmağa çalışacağıq. Lakin bizim üçün əsas olan çempionatda mümkün qədər irəli getməkdi. Kubok ikinci plandadı”.