Tino Peres: Azərbaycan yığmasından dəvət gəlsə, qəbul edəcəm

"Araz"ın yeni baş məşqçsi Tino Peresin azerisport.az saytına müsahibəsi

- Yəqin ki, iki həftə öncə ağlınıza da gəlməzdi ki, Azərbaycan klubuna baş məşqçi təyin olunacaqsız. Çünki komandaya Joze Alesio rəhbərlik edirdi...
- Məşqçi işi belədi və heç vaxt bilmirsən ki, iki həftə sonra aqibətin necə olacaq. Mən buna alışmışam.

- Joze Alesionun hərəkəti sizi təəccübləndirdi?
- Mən onu tanımıram. Ona görə də bu hərəkəti barədə bir söz deyə bilərəm. Yeni gəlmişəm. Hələlik, infrastrukturla maraqlanıram.

- Bilirsiz ki, klub öz siyasətini dəyişib, legionerlərə yox, yerlilərə üstünlük verilir?
- Bunu bilirəm. Bu barədə qərar məndən öncə qəbul olunub. Ona görə də seçim imkanım yox idi. Bu, normal, hətta deyərdim ki, yaxşıdı. Məni maraqlı iş gözləyir.

- Bəs bu, sizin hədəfə çatmağınıza mane olmayacaq?
- Əlbəttə, işim çətin olacaq. Amma başqa yol yoxdu.

- Qarşınıza hansı vəzifə qoyulub?
- Hələ konkret hədəflərdən danışmamışıq. Sadəcə, bilirəm ki, hansısa hədəfə çatmaq üçün yaxşı heyət qurmalıyıq.

- Azərbaycan yığmasına da rəhbərlik edəcəksiz?
- Yəqin ki, hə. Hələ bu barədə AFFA ilə konkret söhbətimiz olmayıb. Amma böyük ehtimalla elə olacaq. Təklif olsa, razılaşacam.

- Komandanız UEFA Kubokunun elit raunduna hazır olacaq?
- Çalışacağıq. Cümə günü püşkatma olacaq. Görək bəxtimizə hansı klublar çıxacaq.