Xaqani Məmmədov: Milli üzvləri xorvatlardan qorxmamalı, özlərinə inanmalıdılar
Futbol üzrə Azərbaycan yığmasının sabiq hücumçusu Xaqani Məmmədovun azerisport.az saytına müsahibəsi
- Yığmamızın İtaliya ilə oyununa (1:2) yəqin ki, baxmısız...
- Bəli, baxdım. Maraqlı oyun alındı, amma təcrübə sözünü dedi. Ona görə də yığmamız bu görüşdən xalsız ayrıldı.
- Futbolçularımızın çıxışı necə təsir bağışladı?
- Pis deyildi. Sadəcə, uşaqlar prisoloji cəhətdən hazır deyildilər. İndi adlar futbolda heç nəyi həll etmir. Əsas psixoloji hazırlıqdı. Kim daha yaxşı hazırdısa, o da qalib gəlir.
- Yığmamızın cavab qoluna təəccübləndiz?
- Futbolda belə şeylər olur. Məncə, Azərbaycan futbolu tədricən inkişaf edir. Yeni oyunçularımız peyda olmaqdadı. Amma baş məşqçi ilə bağlı ümidli danışa bilmərəm.
- Sizcə, Berti Foqts getsə, hər şey düzələcək?
- Xeyr. Foqts da yığmamıza nələrsə verib. Amma yığma üçün daha güclü çempionat lazımdı.
- Foqts bəyan edib ki, futbolçularımızın matçın sonlarında qol buraxmasına səbəb fiziki cəhətdən tam hazır olmamalarıdı...
- Əgər gücləri çatmasaydı, matçın sonlarnda bərabərlik qolunu da vura bilməzdilər. Odu ki, mən eyni fikirdə deyiləm.
- Foqts komandamızın gənclərdən qurulduğunu deyir. Rəşad Sadıqov, Kamran Ağayev, Rahid Əmirquliyev gəncdi?
- Gənclər çoxdu, təcrübəliləri əvəzləyə bilirlər. Bu, onlar üçün bir şansdı.
- Baş məşqçi bəyan edib ki, millimiz altı il öncə italyanlara 0:5, 0:6 hesabıyla uduzardı...
- Razı deyiləm. İtaliyaya indi də uduzduq. Ciddi bir fərq olduğunu düşünmürəm. Məsələn, mənim dövrümdə yığmamız indikindən daha güclü idi. Güclü futbolçularımız onda daha çox idi. Xeyli futbolçumuz xaricdə çıxış edirdi.
- İndi də bəzi oyunçularımız xaricdə oynayır. Məsələn, Rüfət Dadaşov Almaniyada top qovur...
- Rüfət gəncdi. Ola bilər gələcəkdə yığmamıza faydası dəysin. Amma indi yığmamız üçün zəifdi.
- Xorvatiya ilə oyundan nə gözləyirsiz?
- Maraqlı oyun olacağını düşünürəm. Bizim futbolçular özlərinə inanmalı və hücumlar təşkil etməlidilər. Görsünlər Slovakiya İspaniyanı necə məğlub edir. Ürəklə, istəklə oynamaq lazımdı, rəqibdən qorxmaq lazım deyil. Yığmamıza uğurlar arzulayıram.
