Çertoqanov: 100 min avro real mükafatdı
Futbol üzrə Azərbaycan yığmasının sabiq yarımmüdafiəçisi Aleksandr Çertoqanov AÇ-2016-nın seçmə mərhələsi çərçivəsində keçiriləcək Xorvatiya - Azərbaycan görüşü öncəsi fikirlərini açıqlayıb. Azerisport.az saytına açıqlamasında o, futbolçularımızın qələbə qazanacağı halda 100 000 avro mükafat əldə edəcəyi barədə xəbərlərə də münasibət bildirib:
"İndiki yığmada yer almadığıma görə futbolçuların nə qədər mükafat aldığından xəbərsizəm. Amma 100 min avro tam realdı. Çünki Xorvatiya kimi komandaya qalib gəlmək şansı hər dəfə ələ düşmür. Özü də səfərdə. Xorvatlar Malta (2:0) və Bolqarıstana (1:0) qalib gəlib. Fikrimcə, onlar hazırda İtaliyadan da güclüdülər. Xorvat azarkeşlər isə bu komandanın çıxışından tam razı deyil. Çox güman ki, Azərbaycanla oyuna da çox ciddi kökləniblər. Yerli azarkeşlər komandaları hətta 1:0 öndə olanda da futbolçulardan qol tələb edəcəklər".
