Samir Abasov: Xorvatların belə dezinformasiyaya ehtiyacı yoxdu

Futbol üzrə Azərbaycan yığmasının sabiq müdafiəçisi Samir Abasov AÇ-2016-nın seçmə mərhələsi çərçivəsində keçiriləcək Xorvatiya - Azərbaycan matçı öncəsi fikirlərini açıqlayıb. Azerisport.az saytına açıqlamasında o, bunları söyləyib:

"Mən yığmada oynadığım dövrdə bizə oyundan öncə nə qədər mükafat alacağımıza dair heç bir məlumat verilmirdi. Xorvatiya mətbuatının bu iddiasının haradan qaynaqlandığı mənə də maraqlıdı. Yəqin ki, Premyer Liqamızda çıxış edən və ya əvvəllər burada oynamış xorvatiyalı futbolçulardan hansısa onlara belə bir məlumat verib. Düşünmürəm ki, bu, qəsdən yayılmış dezinformasiya olsun. Xorvatların buna ehtiyacı yoxdu. Bizi çətin oyun gözləyir. Xorvatlar da İtaliya kimi bizə oynamağa imkan verməyəcək".