Rüfət Dadaşov: İtaliya yığmasını səhvə biz məcbur etdik
Futbol üzrə Azərbaycan yığmasının hücumçusu Rüfət Dadaşovun azerisport.az saytına müsahibəsi
- Xorvatiya ilə oyundan nə gözləyirsiz?
- Əminəm ki, İtaliya ilə oyundakından daha çətin matç olacaq. Xorvatlar mümkündü ki, daha aqressiv çıxış etsinlər.
- Əgər rəqib hücum futbolu sərgiləyirsə, bir hücumçu kimi sizin işiniz daha asan olmalıdı...
- İtaliya ilə oyunda rəqibin çox güclü müdafiəsi vardı. Kyellini ilə Bonuççi böyük təcrübəyə malikdi. Bunu oyunda da gördük. Ona görə də vurduğumuz qolun qiyməti yüksəkdi.
- Axı orada avtoqol qeydə alındı...
- Rəqibi ki səhv etməyə biz məcbur etdik.
- İki oyundu qol vura bilmirsiz. Səbəb?
- Mən də qol vurmaq üçün çalışıram. Amma hələ alınmır.
- Komandamız seçmə mərhələdəki ardıcıl ikinci oyununda hesabı bərabərləşdirir, son dəqiqədə qol buraxaraq məğlub olur. Ənənə halını alır?
- Ümid edirəm ki, bu, ənənə yox, təsadüfdü. Biz hər oyunda sonadək mübarizə aparmağa çalışırıq.
