Emeqara: Qarabağda titul qazanmaq imkanım var
"Qarabağ"ın yeni transferi İnnosent Emeqara bu münasibətlə klub saytına açıqlama verib. Azerisport.az xəbər verir ki, legioner futbolçu bunları söyləyib:
"Azərbaycan çempionatına baxmamışdım, heç nədən xəbərim yox idi. Adi məlumatım da yox idi. Amma təklif gələndə o dəqiqə "yox-yox" da demədim. Maraqlandım, Bakını internetdə axtarıb tapdım. Baxıb gördüm ki, gedəcəyim şəhər kifayət qədər gözəldi. Sonra da komandayla maraqlandım. Gözlədiyimdən də uğurlu komanda olduğunu bildim "Qarabağ"ın. Mənə təzə təklif göndərmişdilər ki, Avroliqada qrup mərhələsinə düşdülər. Təəssüf ki, Avroliqada oynaya bilməyəcəm. Üzvü olduğum komandanın belə bir turnirdə iştirakı da mənim üçün müsbət haldı. Karyeram üçün əsas odu ki, "Qarabağ" öz ölkəsində də iddialıdı və mənim də titul qazanmaq imkanım var".
