İngilis klubunun forvardı Azərbaycanla oyun öncəsi millidən imtina etdi

İngiltərənin "Hall Siti" klubunun hücumçusu Nikita Yelaviç Xorvatiya yığmasında oynamaqdan imtina edib. Azerisport.az xəbər verir ki, o, AÇ-2016-nın seçmə mərhələsi çərçivəsində Bolqarıstana qarşı keçirdikləri oyundan dərhal sonra milli karyerasını başa vurduğunu açıqlayıb.

Sofiyada komandasının 1:0 hesablı qələbə qazandığı görüşdən sonra baş məşqçi Niko Kovaça yaxınlaşan hücumçu millidəki durumundan narazı olduğunu və buna görə milli karyerasını başa vurduğunu diqqətə çatdırıb. Baş məşqçi isə öz növbəsində bundan təəccübləndiyini dilə gətirib və ona gələcək karyerasında uğurlar arzulayıb.

Qeyd edək ki, Xorvatiya yığması oktyabrın 13-də Azərbaycanı qəbul edəcək.