Elxan Məmmədov: Milli üzvlərinin italyanları əsəbləşdirməsini görmək istəyirik

AFFA-nın baş katibi Elxan Məmmədovun azerisport.az saytına müsahibəsi

- İtaliya ilə oyundan nə gözləyirsiz?
- Bizi seçmə mərhələdə iki ağır oyun gözləyir: biri İtaliya ilə, digəri Xorvatiyaya qarşı. Bunlar bizim qrupdakı ən çətin rəqiblərdi. Yığmamızın bu iki oyunda yaxşı mübarizə aparmasını istəyirik. Komandamız Azərbaycan futbolunun inkişafda olduğunu isbatlamalıdı.

- Yığmanın aparıcı futbolçuları niyə milliyə dəvət olunmayıb?
- Bu, baş məşqçinin işidi. Onun işinə qarışa bilmərik. Yəqin ki, hansısa futbolçuların hazırlıq durumundan narazıdı.

- Bu oyunlarda bir xal sizi qane edəcək?
- Bu iki oyunda qazanılacaq 1 xal bizim üçün 3 xala bərabərdi. Çünki bizim yığmamızı bu rəqiblərlə müqayisə etməyə dəyməz. Məsələn, italyanlar dünyanın aparıcı klublarında çıxış edirlər. Amma bizim futbolçuların rəqib komandanın əsəbləriylə oynamasını görməyi çox istərdik.

- Məşqdən öncə futbolçularla söhbətləşdiz. Nə danışırdız?
- Öz məsləhətlərimizi, istəyimizi çatdırdıq, uğur arzuladıq.

- Məsləhət, yoxsa irad?
- Xeyr. Sadəcə, onlardan gözlədiklərimizi diqqətə çatdırdıq.