Rauf Əliyev: Şükürovla Cavadovu yığmada görmək istərdim

Futbol üzrə Azərbaycan yığmasının hücumçusu Rauf Əliyevin azerisport.az saytına müsahibəsi

- Hazırlıq necə gedir?
- Hər şey normaldı. İtaliyaya səfərə hazırlaşırıq.

- Yığmamız Palermo və Osiekdə nəyin sayəsində layiqli mübarizə apara bilər?
- İtaliya və Xorvatiyadan xal almaq çox çətin olacaq. Amma bu, futboldu, hər şey ola bilər. Yaxşı oynamaq üçün çox çalışmağımız lazımdı.

- Komandamızın indiki vəziyyətdə yaxşı nəticə qazanması mümkündü?
- Biz həmişə ən yaxşısına ümid bəsləyirik. Sadəcə, bunu meydanda göstərməyimiz lazımdı.

- Mütəxəssislər yığmamızın hətta 1 xal qazanmasının da yaxşı nəticə olacağını deyir. Razısız?
- Məncə də. Çünki hər iki oyun səfərdə olacaq.

- Vaqif Cavadovla Mahir Şükürovun yığmaya çağırılmamasını necə qarşıladız?
- Baş məşqçinin bu qərarını müzakirə etmək istəməzdim. Amma düzünü deyim ki, onların da millidə olmasını istərdim. Onlarsız işimizin nə dərəcədə ağır olacağını isə zaman göstərəcək.

- Milliyə yeni oyunçuların çağırılmasını necə qarşıladız?
- Onlar o qədər də yeni deyillər. Cəmi iki yeni futbolçu var. Biz onları buna qədər də tanıyırdıq.

- Ağabala Ramazanovla eyni klubda çıxış etdiyinizi nəzərə alsaq, yığmada da duetiniz uğurlu alına bilər?
- Hər şey oyunlardan asılıdı. Əsas odu ki, yığmamız xal qazansın.