İbrahim Şehiç: İnter Qarabağa asanlıqla qalib gələ bilməyəcək

"Qarabağ"ın qapıçısı İbrahim Şehiçin Avropa Liqasının qrup mərhələsi çərçivəsində İtaliya "İnter"inə qarşı oyun öncəsi azerisport.az saytına müsahibəsi

- Qarşıdakı oyun öncəsi fikirlərinizi bilmək istərdik...
- Bu, qrupumuzdakı ən çətin oyunlarımızdan biridi. Bu turnir İtaliya klubu üçün çox vacibdi. "Qarabağ" üçün tarixi bir matçdı. Belə bir arenada oynamaq hər gün qismət olmur. Nəyə qadir olduğumuzu göstərməliyik.

- Mümkündü ki, sizin üçün bu görüşdə daha çətin olsun...
- Bəli, bu oyunda mənim işim daha çox olacaq. Amma inanıram ki, komanda yoldaşlarımın işi daha asan olar.

- "Qarabağ"ın nəhəng rəqibi qarşısında psixoloji baxımdan problem yaşaması mümkündü?
- Əlbəttə, "İnter" Avropa futbolunun nəhəng klublarından biridi. Amma mən düşünmürəm ki, komandamız bu oyunda rəqibdən qorxa. Rəqiblə müqayisədə bizim avrokuboklarda elə də böyük təcrübəmiz yoxdu. Amma biz Milan təmsilçisinə müqavimət göstərəcək gücdəyik.

- Komandanız "İnter"lə oyunda nəyə ümid edir?
- Komanda üzvləri arasında anlaşma səviyyəsi çox yaxşıdı. Yaxşı müdafiə olunmağı, hücum etməyi bacarırıq. "İnter" "Qarabağ"la oyunda asan qələbə qazana bilməyəcək.

- Bəs necə olacaq?
- Mümkündü ki, ümumiyyətlə məğlub olmayaq. Uduzmamaq üçün əlimizdən gələni edəcəyik. Milana bunun üçün gəlmişik. Minimum vəzifə heç-heçədi, amma biz qələbə qazanmağa çalışacağıq. Niyə də olmasın?