Georgi Nikolov: Azərbaycan keyfiyyətli qazonda daha yaxşı oyun göstərərdi

"İnter"in prezidenti Georgi Nikolov Azərbaycan yığmasının AÇ-2016-nın seçmə mərhələsi çərçivəsində Bolqarıstana qarşı keçirilmiş oyununu şərh edib. Azerisport.az saytına açıqlamasında o, yığmamızın Bakıdakı 1:2 hesablı məğlubiyyəti ilə bağlı bunları söyləyib:

"Qazonun vəziyyəti hər iki komandanın oyununa təsir göstərdi. Azərbaycan bir qədər keyfiyyətli meydanda daha yaxşı oynayardı. Bolqarıstan yığmasına gəlincə, həmyerlilərim bu oyuna bir neçə aparıcı futbolçu olmadan gəlmişdilər. Əks halda Azərbaycan yığması üçün bu oyunda daha çətin olardı. Bu məğlubiyyətə görə millinin üzərindən xətt çəkməyə dəyməz. Bu, sadəcə, seçmə mərhələnin start oyunu di. Yığmanız hələ üçüncü yer uğrunda mübarizə aparmaq şansını itirməyib".