Portuqaliyanın baş məşqçisi yığmamızı təriflədi

Portuqaliyanın U-21 yığmasının baş məşqçisi Ruy Jorje AÇ-2015-in seçmə mərhələsi çərçivəsində Azərbaycana qarşı keçirdikləri oyundan danışıb. Azerisport.az xəbər verir ki, o, komandasının 3:1 hesablı qələbəsiylə bağlı bunları söyləyib:

"Azərbaycanın çox simpatik komandası var. Biz bilirdik ki, təhlükəli rəqiblə qarşılaşacağıq. Elə 80-ci dəqiqəyə qədər hesabın 1:1 olması da bu sözlərimi təsdiq edir. Onlar bizdən öncə İsraili darmadağın etmişdilər. Amma şadam ki, belə bir rəqiblə oyunda qələbə qazanmağı bacardıq. Bu, komandamız üçün çox faydalı bir oyun oldu".