İvelin Popov: Azərbaycana qalib gələcəyimizə inanırdım
Futbol üzrə Bolqarıstan yığmasının kapitanı, zədə səbəbindən Bakıya gətirilməyən İvelin Popov AÇ-2016-nın seçmə mərhələsi çərçivəsində komandasının Azərbaycana qarşı keçirdiyi oyunla bağlı sualları cavablandırıb. Azerisport.az sizi həmin müsahibə ilə tanış edir:
- Yəqin ki, Azərbaycanla oyunu televizordan izləmək sizə çətin idi...
- Çox! Amma idmanda belə hallar qaçılmazdı. Bunu qəbul etmək və gələcəyə ümidlə baxmaq lazımdı.
- Komanda yoldaşlarınıza səfər ərəfəsində nə dediz?
- Mən onlara qələbə qazanacaqlarını gördüyümü demişdim.
- Azərbaycanın cavab qolundan sonra bu inamınız azalmamışdı?
- Xeyr, mən yenə də qalib gələcəyimizə inanırdım. O da baş verdi.
- Qələbə ilə yanaşı Bolqarıstan bu oyunda daha nə qazandı?
- Xorvatiya ilə oyun öncəsi özünəinam qazandıq. Elə qazandığımız 3 xalın özü də çox böyük əhəmiyyət daşıyır. Çünki vacib rəqiblə oyunda çətin qələbəyə nail olduq. Ağır oyun oldu. Hava şəraiti ağır, stadionun qazonu bərbad vəziyyətdə. Belə şəraitdə oynamaq, qələbə qazanmaq asan sayılmamalıdı.
