"Portuqaliyalılar bizə qarşı 14 oyunçu ilə oynayırdı"

Azərbaycanın 21 yaşadək futbolçulardan ibarət yığmasının müdafiəçisi Şəhriyar Əliyev AÇ-2015-in seçmə mərhələsi çərçivəsində Portuqaliyaya qarşı keçirilmiş oyunu şərh edib. Azerisport.az saytına açıqlamasında o, bunları söyləyib:

"Ağır oyun olacağını bilirdik. Ona görə də çox ciddi hazırlaşmışdıq. Amma hakimin meydan sahiblərinə münasibətdə simpatiya bəsləməsi sözünü dedi. Biz yaxşı oynadıq. Heç-heçə bu oyunun ən ədalətli nəticəsi idi. Mənə və İlter Taşkına son dəqiqələrdə qırmızı vərəqə göstərildi. Niyə? Ona görə ki, topa fitdən sonra zərbə vurmuşuq. Portuqaliyalılar 90 dəqiqə öz bildiklərini etdilər, amma onlara eyni münasibət göstərilmədi. Onlar bizə qarşı 14 oyunçu ilə mübarizə aparırdılar".