Əlyar Ağayevdən İsveçrə - Latviya matçında 2 penalti, 1 qırmızı
21 yaşadək futbolçular arasında AÇ-2015-in seçmə mərhələsinin son turunun oyunları keçirilib. Azerisport.az xəbər verir ki, 5-ci qrupda yer alan İsveçrə və Latviya komandaları arasında baş tutan qarşılaşmanı azərbaycanlı hakimlər idarə ediblər.
Qarşılaşmanın baş hakimi Əliyar Ağayev olub. Onun sözügedən qarşılaşmadakı köməkçiləri Mehman Mahmudov və Zeynal Zeynalov olub. 4-cü hakim funksiyasını isə Orxan Məmmədov yerinə yetirib.
Meydan sahiblərinin 7:1 hesablı qələbəsi ilə başa çatan qarşılaşmada Ağayev qonaqların qapısına iki dəfə penalti təyin edib. Bundan başqa Ağayev Yevgeņi Kazaçoka 63-cü dəqiqədə xəbərdarlıq etsə də, Latviya millisinin 8 nömrəli fubtolçusu buna məhəl qoymayıb. Ağayev ikinci hissəyə artırılmış dəqiqədə bu futbolçuya ikinci sarı vərəqəni göstərərək, meydandan qovub.
Ağayev bütövlükdə meydan sahiblərinin 4, qonaqların 3 futbolçusuna sarı vərəqə göstərib.
