"Azərbaycan Bolqarıstana 1:0 hesabıyla qalib gələcək"

Futbol üzrə Azərbaycan yığmasının sabiq müdafiəçisi Saşa Yunisoğlu özünə yeni klub tapmasından danışıb. Azerisport.az saytına açıqlamasında o, "Araz Naxçıvana"la 1 illik müqavilə imzalaması barədə bunları söyləyib:

"Klub rəhbərliyi və məşqçilər korpusu sağ olsun ki, mənə belə etimad göstərdilər, mehriban qarşıladılar. Karyeramı Naxçıvanda davam etdirəcəyim üçün sevincliyəm. Bura mənim tarixi vətənimdi. Çalışacam ki, etimadı doğruldum".

Saşa yığmamızın AÇ-2016-nın seçmə mərhələsində Bolqarıstana qarşı keçirəcəyi oyundan da danışıb: "Milliyə uğurlar arzulayıram. Fikrimcə, yığmamız bu gün 1:0 hesabı ilə qələbə qazanacaq. Adətən, yığmamız hansısa böyük hesablı məğlubiyyətdən sonra çox yaxşı nəticələr qazanır".