Yığmamız Portuqaliyaya uduzdu

Bu gün 21 yaşadək futbolçulardan ibarət Azərbaycan yığması Avropa çempionatının seçmə mərhələsi çərçivəsində növbəti, eyni zamanda sonuncu oyununa çıxıb. Azerisport.az xəbər verir ki, miilimiz yer aldığı 8-ci qrupda həlledici görüşünü səfərdə Portuqaliyaya qarşı keçirib.

Bernard Lippertin yetirmələrini qrup birincisi olan və geridə qalan oyunlarda xal itirməyən rəqiblə ciddi sınaq gözləyirdi. Yığmamız bu rəqiblə görüşdə ilk oyunda aldığı məğlubiyyətin qisasını almaq niyyətindəydi. Çünki Bakıda keçirilmiş ilk oyunda yığmamız 2 cavabsız qolla məğlub olmuşdu. Qazanılacaq 3 xal millimizi həm də qrup üçüncüsü edə bilərdi. Əks halda qrupda sonuncu yeri tuta bilərdik. Mümkün heç-heçə isə ən azı ən azı 4-cü pillədə qalmağımıza kömək edəcəkdi. Lakin təəssüf ki, futbolçularımız AÇ-2015-in seçmə mərhələsinə uğurlu nəticə ilə yekun vura bilmədilər. Matç meydan sahiblərinin inamlı qələbəsiylə başa çatıb.

AÇ-2015-in seçmə mərhələsi
8-ci qrup
9 sentyabr

Portuqaliya - Azərbaycan - 3:1
Qollar: R.Silva, 13 (1:0), A.Abatsiyev, 55 (1:1), Edqar Le, 82 (2:1), R.Esqayo, 90+1-pen (3:1).
Sarı vərəqə: A.Salahlı, 20, İ.Taşkın, 43, Ü.Abbasov, 45, A.Ramazanov, 62, R.Silva, 66, A.Abatsiyev, 80, Ş.Əliyev, 89, T.Erat, 90+4.
Qırmızı vərəqə: İ.Taşkın, 85 (ikinci sarı), Ş.Əliyev, 90 (ikinci sarı).
Baş hakim: Kleyton Pizani (Malta).
Rio Mayor. “Munisipial” stadionu.

Portuqaliya: 1. Xose Sa, 2. Rikardo Esqayo, 4. Paulo Oliveyra (k), 5. Rafael Qerreyro, 13. Edqar Le, 7. Rafa Silva (11. Karlos Mane, 70), 16. Ruben Neves, 18. Markos Lopes, 23. Joao Mario (21. Tyaqo Silva, 59), 17. Luri Medeyros (8. Tose, 70), 20. Rikardo.
Ehtiyat oyunçular: 12. Rui Silva, 14. Frederiko Venansio, 10. Helder Koşta, 19. Tomane.
Baş məşqçi: Ruy Jorje.
Azərbaycan:  1. Şahruddin Məhəmmədəliyev, 4. Ürfan Abbasov (k), 5. Şəhriyar Əliyev, 13. Bəxtiyar Həsənalızadə, 20. Azər Salahlı, 7. İlter Taşkın, 10. Abdulla Abatsiyev, 11. Toğrul Erat, 19. Rəhman Hacıyev (23. Məqsəd İsayev, 46), 9. Ağabala Ramazanov (14. Məhəmməd Qurbanov, 86), 16. Samir Məsimov (8. Elşən Abdullayev, 62).
Ehtiyat oyunçular: 12. Maksim Vaylo, 2. Slavik Alxasov, 6. Tərzin Cahangirov, 18. Vadim Abdullayev.
Baş məşqçi: Bernard Lippert.