Qarabağ 15 futbolçuyla hazırlaşır

"Qarabağ" hazırlıqlarını davam etdirir. Azerisport.az xəbər verir ki, Premyer Liqanın 5-ci turunda AZAL-ın qonağı olacaq komanda gündə 1 məşqlə kifayətlənir.

Ağdam təmsilçisi milli oyunlar səbəbindən tam heyətlə çalışa bilmir. Komandada fərqli yığmalara gedən futbolçuların olması məşqlərin tam heyətlə baş tutmamasına səbəb olur. Belədə baş məşqçi Qurban Qurbanov əvəzedici heyətdən də bir neçə futbolçunu əsas heyətə məşqlərə çağırıb. Elçin İsmayılov, Seymur Abdullayev, Elnur Mustafayev, Elçin Rəhimli, Fuad Məmmədzadə əvəzedici heyətdən  əsas komandaya dəvət edilib.  "Qarabağ" ümumlikdə 15-16 futbolçunun iştirakıyla məşqlərini davam etdirir. (klub saytı)