Pirlo yenidən millidə

Andrea Pirlo İtaliya millisində karyerasına son qoymaq barədə verdiyi qərarını dəyişib. Azerisport.az xəbər verir ki, "Yuventus"un yarımmüdafiəçisi baş məqşçi Antonio Konte ilə danışdıqdan sonra belə bir addım atdığını deyib:

"Konteylə danışdım və İtaliya millisində oynamağa razılıq verdim. Yığmanın Hollandiyayla (2-0) matçdakı oyununu çox bəyəndim. Artıq Kontenin işinin bəhrəsini görə bilərsiz. Skudettoya gəlincə isə "Roma"dan çəkinirəm. "Yuventus" Avropada keçən mövsümlərdən daha yaxşı oynamalıdı".

Pirlo İtaliya millisinin heyətində 112 matçda forma geyib.

İtaliya millisi AÇ-2016-nın seçmə mərhələsində Azərbaycan yığmasının rəqiblərindəndi.