Vaqif Cavadov: Bolqarlara göstərərik ki, onlar yanılıblar

Futbol üzrə Azərbaycan yığmasının hücumçusu Vaqif Cavadov AÇ-2016-nın seçmə mərhələsi çərçivəsində Bolqarıstana qarşı keçiriləcək oyun öncəsi fikirlərini açıqlayıb. Azerisport.az xəbər verir ki, o, bunları söyləyib:

"Mən oyun ərəfəsində mətbuatı oxumuram. Bolqarlar oyun ərəfəsində özlərindən çox arxayın danışırlarsa, qoy danışsınlar. Biz onlara yanıldıqlarını göstərərik. Mənim indiki mətbuat konfransında iştirak etməyim sabah start heyətdə yer alacağımdan xəbər vermir. Amma oynamağa hazıram. Hər şey baş məşqçidən asılıdı. Yaxşı nəticə ilə başlamağı çox istəyirik.

Reynaldo? Əsas odu ki, yığmamıza faydalı olsun. O, yaxşı oyunçudu".