Borislav Mixaylov: Bizi Bakıda ağır oyun gözləyir

Bolqarıstan Futbol Federasiyasının prezidenti Borislas Mixaylov AÇ-2016-nın seçmə mərhələsi çərçivəsində Azərbaycana qarşı keçiriləcək oyun öncəsi fikirlərini açıqlayıb. Azerisport.az xəbər verir ki, o, bunları söyləyib:

"Bizi ağır oyun gözləyir. Amma ümid edirəm ki, oyundan sonra sevinən tərəf məhz biz olacağıq. Rəqibin əla azarkeşləri var, komandalarını hər oyunda dəstəkləyirlər. Bizim heyətlə bağlı müəyyən problemlərimiz mövcuddu. Amma ümid edirəm ki, uşaqlar bunun öhdəsindən gələcəklər. Seçmə mərhələnin ən çətin qruplarından birində yer almışıq. Burada hər bir xal böyük əhəmiyyət daşıyacaq".