Böyükağa Hacıyev: Lipperti öz məşqçimiz əvəzləməlidi

"Neftçi"nin sabiq baş məşqçisi Böyükağa Hacıyev gənclərdən ibarət Azərbaycan yığmasının baş məşqçisi Bernard Lippertin istefasına münasibət bildirib. Azerisport.az saytına açıqlamasında o, bildirib ki, bundan sonra komandanı yerli məşqçiyə tapşırmaq daha düzgün olardı:

"İndiki halda Lippert özü getmək istəyirsə, onu saxlamaq düzgün deyil. Yerinə öz məşqçilərimizdən birini təyin etmək daha yaxşı olardı. Həmin mütəxəssis gənclərdən ibarət komandada işləməklə gələcəkdə Berti Foqtsu əsas millidə əvəz edə bilər. Yəni, müəyyən müddət gənclərin komandasında çalışsa daha yaxşı olar. Bir-iki ildən sonra artıq əsas komandanı da həmin mütəxəssisə həvalə etmək olardı".