Qaradağ Lökbatan 2, Mil-Muğan 6 qolla qalib gəldi

Futbol üzrə Azərbaycan 1-ci divizionunda 1-ci turun daha 4 oyunu keçirilib. Azerisport.az xəbər verir ki, “Kəpəz” – “Şahdağ” və “Lokomotiv” – “Şuşa” oyunlarında qalib müəyyən olunmayıb. Hər iki oyun qolsuz heç-heçə ilə başa çatıb - 0:0.
 
Digər oyunlarda isə “Qaradağ Lökbatan”la “Mil-Muğan” qələbə qazanan tərəf olub.
 
1-ci divizion
1-ci tur
6 sentyabr
 
Kəpəz – Şahdağ – 0:0
 
Lokomotiv – Şuşa – 0:0
 
Qaradağ Lökbatan – Energetik – 2:0
Qollar: İlham Allahverdiyev, 45, Mehdi Mehdiyev, 81.
 
Mil-Muğan - Göyəzən - 6:1
Qollar: Elxan Məmmədov, 33; 72; 90, Rəmzi Məmmədov, 55; 70, Bayram Əliyev, 90+3 - Fərhad Həsənov, 68.
 
Tura bazar günü keçiriləcək “Zirə” – MOİK və “Ağsu” – “Neftçala” oyunları ilə yekun vurulacaq.